పార్టీ

ఓటు హక్కు రాకముందే,

ఓడ్కా రుచికి,

మారిజువానా మత్తుకి,

గర్భ విఛ్చిన్న మాత్రలకి,

ప్రాణ హరణ పరికరాలకి, అలవాటైన

రేపటి పౌరులు,

జనారణ్యానికి దూరంగా, నిజారణ్యానికి చేరువగా,

న్యూ ఇయర్ సంబరాల్లో,

మైకమెక్కువై, విచక్షణ తక్కువై,

చిన్న గొడవ చేజేతులా పెద్దదై

ఉన్మాదంతో అందర్నీ చంపి, భయంతో తనూ చచ్చిన

ఒక ఆత్మ సృష్టించిన నిశ్శబ్దంలో,

ఒక్కసారే మోగిన అందరి ఫోన్లు,

"నూతన సంవత్సర శుభాకాంక్షలు" మెస్సేజ్లతో,

బూడిద రాలుస్తున్న సగం కాలిన మార్ల్ బోరో,ఆష్ ట్రేలో.......