నువ్వు లేని నేను

శశి లేని నిశిలో,

లిపి లేని భాషలో,

మనసు వేదన వివరిస్తూ,

నువ్వు లేని నేను . .

స్పృహ లేని మత్తులో,

తెరవలేని కళ్ళలో,

చుడలేని వెలుగుకై తపిస్తూ,

నువ్వు లేని నేను . .

శబ్దం లేని శ్వాసతో,

సకలం కోల్పోయిన తెలివితో,

సర్వం నీవైన మనసుతో,

నువ్వు లేని నేను . .

నువ్వొస్తావన్న ఆలోచనని

ఆశగా చూసే ఆనందంలో,

నిన్ను చూడలేనన్న భయాన్ని

కోపంగా తరిమే ఆవేశంతో,

నువ్ నన్ను పోల్చుకోవన్న సందేహానికి,

నువ్వెప్పటికీ నాదానివే అని

గర్వంగా జవాబిచ్చే,

నువ్వు లేని నేను . . . .