కవితా మిత్రులకు, నమస్కారం

నా భావాల్ని, భాషని, కలల్ని, కలవరింతల్ని, ఆనందాల్ని, ఆరని తడినీ, ఉద్వేగాల్నీ, ఉద్దేశాల్ని, ఉద్రేకాల్నీ, ఉన్న స్థితిని, మీతో పంచుకొవాలనుకునే నా ఈ చిన్న ప్రయత్నాన్ని ఆదరించి, అభినందిస్తారని, ఆస్వాదించి ఆహ్లాదిస్తారనీ, తప్పిదాలుంటే, దిద్దుకునే అవకాశమిస్తారనీ ఆశిస్తూ, మిమ్మల్ని "కవన వనం"లోకి, ఆహ్వానిస్తూ, మీ వంశీ..

Tuesday 10 April 2012

అపరిచిత నేస్తమా....


అసలు నేన్నీకేమౌతాను,
పరిచయం కొద్ది రోజులదే, ఐనా,
ఆ పరిమళమెప్పటిదో కదా,
చనువు కొద్ది మాటలదే, ఐనా,
ఆ చొరవకెన్ని రూపాలో కదా,
స్నేహం కొన్ని సంగతులదే ఐనా,
ఆ సాన్నిహిత్యమెన్ని విషయాలదో కదా,
పలకరింపు కొన్ని నిమిషాలే ఐనా,
వెనక దాగిన అధికారం వయసెన్ని యుగాలో కదా,

నీ మౌనం కొద్ది ఘడియలే ఐనా,
అది నాలో పెంచే ఆలోచనా తీవ్రత ఊహించగలవా,
నీ కోపం అప్పుడప్పుడే ఐనా,
అది నన్నెంత భయపెడుతుందో తెలుసా,

నీ గురించిన్ని తెలిసినా,
ఇప్పటికీ, నువ్
నాకేమౌతావో, తెలీదు,
ఓ అపరిచిత నేస్తమా....

No comments:

Post a Comment