అపరిచిత నేస్తమా....

అసలు నేన్నీకేమౌతాను,

పరిచయం కొద్ది రోజులదే, ఐనా,

ఆ పరిమళమెప్పటిదో కదా,

చనువు కొద్ది మాటలదే, ఐనా,

ఆ చొరవకెన్ని రూపాలో కదా,

స్నేహం కొన్ని సంగతులదే ఐనా,

ఆ సాన్నిహిత్యమెన్ని విషయాలదో కదా,

పలకరింపు కొన్ని నిమిషాలే ఐనా,

వెనక దాగిన అధికారం వయసెన్ని యుగాలో కదా,

నీ మౌనం కొద్ది ఘడియలే ఐనా,

అది నాలో పెంచే ఆలోచనా తీవ్రత ఊహించగలవా,

నీ కోపం అప్పుడప్పుడే ఐనా,

అది నన్నెంత భయపెడుతుందో తెలుసా,

నీ గురించిన్ని తెలిసినా,

ఇప్పటికీ, నువ్

నాకేమౌతావో, తెలీదు,

ఓ అపరిచిత నేస్తమా....