*డామిట్, కథ అడ్డం తిరిగింది*

కోపమా

రాత్రి కల్లోకి రాలేదని,

అసలు నిద్ర పడితే కదా నీ తలపులతో

మన్నించవా

నువ్వొచ్చావట, తిరిగెళ్ళావట

నిన్ను గుర్తించలేని మగత కలల్లో నేనున్నపుడు

భావ్యమా

నాతో మాట్లాడననడం,

నీతో ఊసులాడని రోజు, సగం మాటలు మర్చిపోతుంటే

నమ్మవా

ఇలా, మరీ బెట్టు చేస్తే

మూగ ప్రేమికునిగా మారే ప్రమాదమూ ఉంటుంటే

నవ్వవా, సరే

ఒక్కసారి నన్ను తలచుకో

ఏడుపెందుకు,

భయపడేంత భీకరంగా కనిపిస్తునానా

హమ్మయ్య, నవ్వావా,

మనసు తలుపు తెరువ్

వొచ్చి చాలా సేపైంది

గుండెలు లాగేస్తున్నాయి

ఏమైంది

మళ్ళీ కోపమా,

ఎందుకొచ్చాననా??

డామిట్, కవిత మళ్ళీ అడ్డం తిరిగింది......