అసంపూర్ణం

ఎపుడైనా చావాలన్పించిందా,

ఎన్నడైనా నరకం చూసారా,

నిస్సహాయత పంచిన నిరాశ,

విశృంఖలత పెంచిన విరక్తి,

ఆప్యాయత లేని అవహేళన,

అనురాగం కాని అవమానం,

మండించి, దండించి, ముంచేసి, ముసుక్కప్పి,

కోపమై, శాపమై, కఠినమై, కంటకమై,

ఖండిత శిశ్నంతో, కాలిన చిహ్నంతో,

అనుకుని పుట్టానా అసంపూర్ణుడిలా,

కలగని పెరిగానా అసహజ ప్రకృతిలా,

నాలో విజాతి వికర్షణక్కారణం నేనా,

కుదిపేసే స్వలింగ ఘర్షణక్కారకం నేనా,

మేధావులారా, మెదడు చేసే మాయా రసాయనాల మర్మాలకి మనసుదా బాధ్యత,

నాడులు దూసే వ్యామోహ విచ్చుకత్తులగాట్లకి తనువుకా శిక్షిక,

నిజంగా మనుషులందరూ సంపూర్నులేనా,

నీతిగా మనసులందరివీ స్వచ్చాలేనా,

కురుక్షేత్రాన శిఖండి,

పాండవాఙ్నాతాన బృహన్నల పట్టపు రా రాణీవాసాలకు,

పట్టెడు వినోదానికీ అసంపూర్ణులమేగా,

మాకేం ఒద్దు, చినుకంత గౌరవం, నలుసంత ఊరట