*సౌందర్య రాహిత్యం*

కాల్చేయాలా కనపడే అందాలన్నీ

అందీ అందనట్టుంట్టుంటే,

కూల్చేయాలా పొరబడే అద్దాలన్నీ

నేను నాలా అన్పించనట్టంటుంటే,

కలహించాలా జోడైన అనుభవాలన్నీ

ఇంకా ఆశ పెంచుతుంటే,

కరిగించాలా తోడైన నీ భావాలన్నీ

కదలని కన్నీట కన్నెర్ర చేయిస్తుంటే,

కసిరించాలా ముసిరే నూతన సుఖాలన్నీ

నిజమైన సంతోషం కలవరపడుతుంటే,

కౌగిలించాలా మరచిన శుభాలన్నీ

"కల" వరమైనట్టు వొచ్చిపడుతుంటే,

కోపం చూపాలా, సాంస్కృతిక వనాన్ని విడిచి

వసంతం పావనమైనా అనుకుంటే,

ఖర్మనుకోవాలా, యాంత్రిక వ్రణం

పగిలి జనాలు నిజాలు మరుస్తుంటే........